当前位置：主页 > 资讯门户网 >【自助餐放蛇起底组】上水快食一粒钟 $68 Lunch Bu >

【自助餐放蛇起底组】上水快食一粒钟 $68 Lunch Bu

发布时间：2020-06-13作者：阅读：(238)

平时去茶记食个Lunch都要四、五十蚊先落到楼啦，上水呢间新开的韩烧餐厅，限时1粒钟嘅Lunch Buffet，仲要$68咁抵?不过抵唔抵食呢?即刻去片!

远睇似迷你酒店buffet 近睇……

放眼望去，自助区域都唔细喎，好似mini mini版的酒店buffet，有熟食、炸物、寿司，店内座位多，入座不用等位，行近少少睇下有咩食先！

熟食热盘Total有7样，白汁鸡皇意粉、椒盐三文鱼头同滷水三宝望落正正常常，而红酒牛尾第一round得返零碎肉块，不过等咗十几分钟后都有refill，都大大件同整齐。但其他几样就有啲出事！韩式辣酱炒年糕痴埋一嚿，韩式粉丝酱炒唔匀，搞到两截色之余又无味，大根炆牛腩又一出被人抢晒。

自助区域有热盘、汤品、饮品，几企理喎。

热盘total有7样，呢个本身喺红酒牛尾，不过已经俾人拎晒，但等咗一阵都有refill。

韩式辣酱炒年糕（左）几嚿痴黏埋一齐，有啲核特啰，另外仲有椒盐三文鱼头。

粉麵类有韩式炒粉丝同白汁鸡皇意粉。

同埋滷水三宝同无晒嘅大根炆牛腩。

另外都有返啲韩式前菜，泡菜、萝蔔同青瓜等。

嚟到试食时间，refill了的牛尾大大件，炆得够淋够入味，可以丧encore喎！辣酱年糕唔够热，食落冻冰冰，嗰热柜喺咪唔热啊？仲有一啲都唔辣啰，无味！韩式炒粉丝近睇见到有两截色啦！不过最算喺有酱嗰pat粉丝，睇落有颜色，但食落喺无味啰！鸡皇意汁白汁味都喺好淡，但啲鸡都喺滑嘅。

牛尾炆得入味，好软腍，丧食！年糕一啲都唔辣，仲冻冰冰。

两截色嘅粉丝淡茂荗，白汁鸡皇意粉都麻麻。

滷水三宝剩喺搵到两宝，不过一啲都唔滷水，得个样，无味。

烤肉刺身无你份　食甩皮甩骨寿司

自助区另一边有好多生好多生肉，不过……都唔关我哋事，$68喺唔包韩烧，想食要俾$128食。另外仲有炸物、汤同冷盘同寿司区，汤品清晒都会有店员refill，抵讚嘅。刺身原来喺无得俾你食，只限夜晚放题咋，但可以食嘅卷物都核核特特，另外部分冻虾有黑色点点，睇见都唔开胃！

眼看手勿动！虽然呢间餐厅喺主打韩烧，但$68呢个会钱只喺包熟食同甜品，想食韩烧就要另外加钱啦！

炸物区有薯条，咖喱角同无晒嘅炸鸡等。

人蔘鸡汤清晒～

不过等咗阵都有店员嚟refill。

人蔘鸡汤有红枣、鸡同细细条人蔘，所以饮落喺无人蔘味嘅，似鸡汤啰。

另外有个冷盘区，有冻虾、冷麵、菜等。

刺身都係眼看手勿动，只係夜晚时段有得食嫁咋，我哋无得食～

剩喺有得食呢啲甩头甩骨嘅卷物，好多饭粒飞晒出嚟喎大佬！

冻虾随机夹咗5只，有2只虾身有黑点喎，食落呢都弹牙，不过鲜虾味久奉。卷物都属一般。

Fancy甜品区睇到唔食得

熟食同冷盘都喺麻麻，但嚟到甜品区，哗！极fancy!有朱古力喷泉又有棉花糖机，好正啊！！！有棉花糖、水果片可以自己dip入白朱古力喷泉里DIY，有得玩下抵讚！不过……原来其他甜品都喺睇得唔食得嫁！嗰香芋白朱古力Mousse同蓝莓芝士蛋糕卖相OK，但一食落口伏味超浓，前者Mousse唔似Mousse，后者芝士酸味奇奇怪怪，嗰样咁靓呃人嘅！