当前位置：主页 > F一生活 >【自助餐放蛇起底组】大排档任食3小时 $118沙田围重庆烧 >

【自助餐放蛇起底组】大排档任食3小时 $118沙田围重庆烧

发布时间：2020-06-13作者：阅读：(973)

天寒地冻，确係BBQ的好季节，今次带大家嚟到沙田围的重庆烧，$118可以任烧任食3小时，食唔食得过？立即睇试食报告！

食物选择大路　近40款肉串蔬果

BBQ食物全自助，放在半开放的雪柜内，而且有盖盖着，都好卫生。食物选择都有近四十多款，有鸡牛猪肉串、羊架、鸡翼、肠、丸类、蔬果等，选择大路。而且大部分食物都已预先串好，拎起嚟都几方便。

BBQ的食物全都是自助，放在半开放雪柜中，望落都几整洁。

有羊架、牛脷。

仲有鸡翼、肉串，望落都算新鲜。

猜猜我是谁？奇丑无比，岩岩蚕蚕，原来是……………………..牛脷…………………………点够胆放入口呀………………

记住要拎孜然粉同酱料

睇完有咩食，就可以拎用具预备烧啦！孜然粉、辣椒粉都是以小瓶盛载，可以拎埋位尽情洒。另外亦有沙嗲酱、咖喱酱、蒜蓉油酱汁，仲有一pat融得好紧要的牛油。沙嗲酱超超超超辣，劲惹味！

绿罐是孜然粉，红罐是辣椒粉，记住去拎啊~

又来猜猜我是谁，原来是……………….一pat融得好彻底的牛油…………………

拎完夹后，成手都是油！见唔见到手指有油光啊~~???!!!有无洗过嫁?

必食肉类盘点

BBQ最紧要当然是个炉！呢度用的是放在枱上的gas炉，唔使担心加炭的问题，仲有得较大细火，几方便！一开始烧要烧一些油分多的肉串，可以劲加孜然同辣椒粉，烧到差唔多熟可以搽啲酱料，又或者食时蘸点亦可。必食推介有羊架，Size虽不算大，但肉质都几鬆软；鸡翼都唔错，食得过。第二轮的牛脷同啱啱的完全唔同样喎，原好大块而且无黑边，有进步，儘管试一试，食落好爽兼好滑，但可惜无咩牛味。