当前位置:主页 > F一生活 >耐过行出禁区 拖累乘客罚钱! 香港机场等行李 愈来愈慢之谜 >

耐过行出禁区 拖累乘客罚钱! 香港机场等行李 愈来愈慢之谜

发布时间:2020-07-31作者: 阅读:(319)

你有无试过,开开心心去完一趟旅行,返到香港衰收尾所有好心情都被破坏晒,原因竟然係因为等行李等劲耐?我谂,唔止阿珍一个人试过啰!

文:杜游珍

香港机场 行李运送排名急跌

香港机场负评多已经唔係新鲜事,都唔好提竟然将禁区变做IFC咁得番贵价名牌店嘞,最正中港人要害,係要香港人久等吖嘛!香港人出名无耐性,要开开心心去完旅行嘅港客围着行李转盘呆企揿手机等行李,实在是大罪!Skytrax每年调查嘅「全球最佳机场」排行榜,在运送行李方面的评分,香港机场由2015年排名全球第2急跌至2016年排第8,等行李等到火滚,绝对唔係老屈!

耐过行出禁区 拖累乘客罚钱! 香港机场等行李 愈来愈慢之谜
阿珍听过最合理嘅「等行李愈来愈耐」原因,係因为海关太快、e道太方便!
小齐闹爆 等行李等到发火

嬲嬲嘅唔止普罗大众乘客,连任贤齐早前都在微博发火,暗串喺香港机场等咗一粒钟行李,而且不是第一次,吁机场「要加油」或者增加人手!发文翌日,小齐仲收到机管局亲自电话问候,最终小齐都打圆场话自己唔应该未了解就发火,不过佢就无删到post啰!

耐过行出禁区 拖累乘客罚钱! 香港机场等行李 愈来愈慢之谜
小齐9月由昆明返香港时,等行李等到在个人微博发火,呢单料都上晒娱乐版㗎!
除损失时间 最嬲係要蚀钱

除咗小齐忍唔住投诉,阿珍身边有不下一个朋友试过,因为等行李等得太久,错失尾班车要改坐兜更远路的机场巴士甚或局搭的士,亦曾听闻有个客因为等极都等唔到行李,迟过12点先出到禁区,还迟咗Wi-Fi蛋被罚多一日租金!无情情唔係自己嘅错但要罚钱,唔嬲就假!

耐过行出禁区 拖累乘客罚钱! 香港机场等行李 愈来愈慢之谜
我估无人会谂到行李延误,间接得益者唔止的士佬,仲有Wi-Fi蛋公司!
网民埋怨 等到天荒地老

好多网上讨论区都讨论过点解行李会愈等愈耐,有人归咎机场愈来愈多廉航阻碍了行李运送效率,但亦有心水清机场职工爆料,劲迟出行李终极原因,係因为唔够人手做「地牢」(即係行李落机后运回大楼的处理部门),人手不足加上新增了中场客运廊,尽做都做唔切。

耐过行出禁区 拖累乘客罚钱! 香港机场等行李 愈来愈慢之谜
不少网民都觉得等行李问题愈来愈严重。
耐过行出禁区 拖累乘客罚钱! 香港机场等行李 愈来愈慢之谜
有自称在机场工作的网民解释「地牢」工作及延误原因。
耐过行出禁区 拖累乘客罚钱! 香港机场等行李 愈来愈慢之谜
另一原因是若果飞机不用空桥或北卫星,行李要由车运送到大楼。
机管局新出 不用呆等行李牌

回应久等行李的指控,香港机场最近推出全新服务「行李通」,将RFID技术结合要畀钱买的行李牌,售价分为普通版$30及皮革版$90,各大新闻网都直抄press release话只要将行李牌跟手机App连接,行李到埗收到通知,就可以「不用呆等行李」!阿珍睇完新闻搲爆头,点解加个行李牌可以唔使呆等?行李会出快咗咩?

耐过行出禁区 拖累乘客罚钱! 香港机场等行李 愈来愈慢之谜
机场的「行李通」广告,哈!
耐过行出禁区 拖累乘客罚钱! 香港机场等行李 愈来愈慢之谜
新App可告知行李在哪条输送带吐出及提供到埗提示,可以放心去开大唔使呆等行李lu~
南华早报:呆等要持续 最少18个月

阿珍日前更在SCMP睇到一篇报道,行李延误情况最严重嘅,主要係用紧中场客运廊嘅航班(包括香港航空同HK Express),原来机场刚在暑假才开始兴建长达2公里的行李输送带连接主大楼及中场客运廊,预计要起一年半,即係要18个月后先有机会改善?OMG!

耐过行出禁区 拖累乘客罚钱! 香港机场等行李 愈来愈慢之谜
中场客运廊新增的登机位,全部都要靠车将行李送回主楼再处理。
耐过行出禁区 拖累乘客罚钱! 香港机场等行李 愈来愈慢之谜
行李部工作辛苦,所以离职率高。
机管局:96.6%行李 40分钟内送达

报道中仲提及,机场的处理行李能力,原来分最快送达及最迟全部送达:2016/17年度,首件行李在20分钟内送出转盘,平均达成有96.8%;至于在40分钟内完全送达行李的比率,原来都有96.6%,照咁讲,小齐等足一小时,即係嗰不幸嘅3.4%啰。

耐过行出禁区 拖累乘客罚钱! 香港机场等行李 愈来愈慢之谜
想件行李出快啲,以前还有last in-first out呢支歌仔唱,即係拖到最迟先check-in,但风险好大,咪乱试!
等行李 4件不应做的事

除非你无寄舱行李,在转盘等行李是无可避免的事,以下4个Don’ts,各位千祈唔好做,见到别人咁做最好避之则吉,不然令人燥底之余亦眼火爆!

耐过行出禁区 拖累乘客罚钱! 香港机场等行李 愈来愈慢之谜
机场行李大堂,阿珍遇过不少奇异见闻!例如呢一则广告,比起之前「空姐ASS」更震撼!
01|行李车超越黄线

久等行李已经够燥,见到港人大陆客将架行李车片埋嚟再队入黄线,立即无名火起!最憎有人愈行愈前,遮挡其他人睇行李转到未,好心,拜託,文明啲好唔好!

耐过行出禁区 拖累乘客罚钱! 香港机场等行李 愈来愈慢之谜
请勿超越黄线呀唔该!
02|逼晒喺转盘出口位

其实阿珍真係唔明,行李转盘咁多位可以攞行李,偏偏大家都好锺意逼在行李由地牢升上嚟嘅出口位,讲真,等咗咁耐,都唔争在呢个身位啦!

耐过行出禁区 拖累乘客罚钱! 香港机场等行李 愈来愈慢之谜
呢个出口位,最好留番畀转盘职员企,因为机场有职员避免箧叠箧,免生意外。
03|即搣行李Barcode

即使已经攞番行李,行李箧上的Barcode都唔应该立即搣,虽然香港好少帮乘客核对行李,但外地有机场要对清楚先畀你带走个箧,最起码过咗海关先搣都唔迟。

耐过行出禁区 拖累乘客罚钱! 香港机场等行李 愈来愈慢之谜
箧有相似,万一发现攞错箧,个贴纸仲可以帮你trace番物主!
04|勿在路中心分赃

阿珍都知大家去旅行好开心买好多嘢,返到香港立即分赃拎返屋企最直接方便,但可唔可以唔阻住行人通道呢?其实行李大堂都有好多位置可以唔阻别人㗎喎!

耐过行出禁区 拖累乘客罚钱! 香港机场等行李 愈来愈慢之谜
畀条生路行下好嘛!
下一页:6大常问行李物品Q&A | 脚架 长伞 BB车 寄舱 抑或手提上机!

耐过行出禁区 拖累乘客罚钱! 香港机场等行李 愈来愈慢之谜 延伸阅读:香草好食过港航! 飞机餐达人教路 空中饮食都可Upgrade

耐过行出禁区 拖累乘客罚钱! 香港机场等行李 愈来愈慢之谜

下一页:贵重物品勿寄舱行李|明目张胆 布吉机场工人打开乘客行李偷窃!

耐过行出禁区 拖累乘客罚钱! 香港机场等行李 愈来愈慢之谜

上一篇: 下一篇:

相关阅读