【自助餐放蛇起底组】 $168 火锅放题 任食贵价封门柳

火锅 放题边间好?cheap cheap肥牛 火锅 放题平时就食得多，但有无谂过百几蚊就可食到一啲都唔cheap，而且牛味极浓的封门柳牛肉?封门柳，不少 火锅 店也没供应，有供应的也要百几蚊一碟，而家$168任食，真係抵到烂！食过包你以后对其他牛肉无晒兴趣，想知喺边可以食到，即睇试食报告！

9款汤底任拣

汤底有9款拣，重口味的可拣麻辣、沙嗲汤，清少少可拣香茜皮蛋又或者飘香棷子汤。一人一锅，想食边款自己决定，不用食人口水尾。不过缺点是个炉无得调较大细火，太大火有时更会烧出炉边，睇住啊！

一次上瘾　重牛味封门柳

主角登场！封门柳牛肉究竟喺乜？其实就是牛的横膈膜下面的一条肌肉，每只牛只有两块，超级矜贵！封门柳块块手切，先来第一碟，鲜红兼有密密麻麻的雪花纹，掂！食落有超级超级超级重牛味，而且无筋，肉质非常嫩滑，完全KO平时食的肥牛、滑牛肉，点算啊？我以后打边炉食唔返呢款牛点算啊？

食一碟点会够呢？即刻Encore第二碟，这碟雪花纹更细緻，而且厚身少少，水準keep到，照旧超重牛味，食呢款牛完全不用蘸点任何酱料，因为本身已经超够味啦！

饮品任饮，自助形式，除汽水及啤酒外，有自家製豆浆和竹蔗茅根水！

除咗封门柳 重有咩好食？

火锅 配料可以划纸仔，出面亦有自助区域，自助任取肠仔、芋丝、牛柏叶、蔬菜等大路嘢，精彩的配料就要划纸仔啦！

必食推介　特色丸类

平时打边炉食嚟食去都是牛贡芝心蟹籽丸好闷？这里完全不会令你失望！必食推介台湾鹅肉丸，鹅肉丸喎，超少见啰！小小一粒，但食落都几够味，而且非常Q弹，同濑尿牛丸有得fight！嫌芝士丸太腻?可以试试柚子乳酪丸喎!流心馅食时要睇住烫口，酸酸哋感觉好清新！唔知卡路厘会唔会无芝士丸咁高呢~~~?最后不得不试的是韮菜饺，入面有足料韮菜及猪肉，见唔见到饺皮几咁薄？谂起都想再食~~

总结：抵！牛魔王必食！

打边炉无牛不欢的你绝对要过嚟擦一转，试一试咁高质的封条柳牛肉，＄168净食牛都抵！(而且免加一)包你食过返寻味！而且其他 火锅 配料都有自家特色，兼且味道不错，可惜的是限时1小时45分钟，食得要快少少先够回本！

总分：8/10

小宝哥一人火锅

地址: 新蒲岗衍庆街2-32号新蒲岗大厦地下10-12号舖(显示地图)

电话: 5321 1862

火锅 放题供应时间:5:30pm-1am(每节 1小时45分钟)

收费：7:30pm前结账及9:30pm后入座每位$168，7:30pm-9:30pm 每位$188

备注：不设加一，收信用卡

 

延伸阅读:

睇住流奶皇包！相机食先新派茶楼 【尖沙咀食乜好】

男团2pm都爱佢！3种韩式番薯变化的美食