当前位置：主页 > L小生活 >【自助餐放蛇起底组】$78酒店 抹茶 + 蜜糖 甜品自助餐 >
【自助餐放蛇起底组】$78酒店 抹茶 + 蜜糖 甜品自助餐
发布时间：2020-06-13作者： 阅读：(693)
抹茶 甜品固然吸引，但食甜品闲闲地都几廿蚊一款，想食多几款都真係几肉赤！今次带大家嚟到沙田嘅一间酒店，$78加一就可以任食两个半钟甜品，抵食！呢间酒店之前已经推出过紫薯甜品下午茶自助餐，唔少紫薯迷都嚟咗朝圣，最近酒店转咗新主题，变咗抹茶加蜜糖，啱哂抹茶Fans！甜品总共有十几款，当中抹茶类大约佔一半，蜜糖就相对较少，甜品仲会不时更换，食足两个钟都唔会闷！
酒店早咗畀人入座，所以即使準时2点半去到，都已经见唔到马卡龙完整嘅样啦。 
绿茶心太软用光波炉即整，都要等下，唔少人都会喺度等，同样抢手！ 
绿茶心太软个Size唔算好大，所以食完都唔会觉得太腻食唔落其他甜品。 
心太软入面无应有嘅流心效果，但胜在佢够热同埋绿茶味够香同出。 
蜜糖日式芝士饼拔丝，食食下有职员入嚟同我哋讲出面有新出嘅炸芝士饼，几贴心。 
芝士饼望落似天妇罗，每块大细不一，上面蜜糖份量有所不同。 
入面芝士饼份量唔多，而且食落芝士味唔够出同浓，炸粉亦係天妇罗嘅炸粉。如果上面蜜糖份量多的话会有苦涩味。 
燕窝布甸，布甸几滑唔会太甜，燕窝就一如既往咁无咩特别嘅味。 
天使蛋糕，蛋糕带淡淡牛奶香，蜜糖脆脆黏口偏甜，夹埋一齐食会更好味， 
窝夫机隔离有粉浆，不过无得自己玩，职员会帮你整好。 
窝夫睇落一般般，可以自己加配料，配料同平时嘅格仔饼料差唔多，都係麻酱、炼奶、糖、朱古力等。 
窝夫食落相当腍，完全无外脆嘅感觉，而且食呢个相当饱肚，食完会食唔落其他甜品。 
柚子芝士蛋糕，相对无其他甜品咁甜，而且有柚子皮喺蛋糕入面，几清新有柚香。 
石板街慕丝，朱古力慕丝加棉花糖，食落好似溶咗嘅雪糕，而且偏甜。 
甜品会不定时更换，唔会食极都係果啲甜品。
抹茶类甜品 多数「得只色」
虽然今次自助餐主题係「 抹茶 」，但餐厅入面甜品嘅名都係写「绿茶乜乜乜」，搞到人都乱埋。不过算啦，唔理佢用咩名，味道最紧要！抹茶甜品虽然都有五、六款，但其实大部分都係「只见其色、不觉其味」——即係见到有绿色，但食落係冇抹茶味。当中最吸引嘅就一定係绿茶心太软，即刻整起热辣辣！另外仲有绿茶芝士蛋糕、泡芙等，如果想食Poster上面嘅抹茶马卡龙山，就要早啲去到啦，因为食完就无㗎啦！
蜜糖甜品 拔丝炸芝士蛋糕有惊喜
蜜糖甜品嘅数量相对较少，当中有天使蛋糕、燕窝蜜糖布甸等。另外仲有炸芝士饼，新鲜炸起，仲有职员入嚟提醒我地出去拎，够哂贴心，不过蜜糖嘅吸引力相对无咁大。
「自製窝夫」饱肚 柚子芝士蛋糕清新
除咗抹茶同蜜糖嘅甜品，亦会有其他甜品提供。当中有部窝夫机喺度，可以整窝夫，不过窝夫係有职员负责整，所谓嘅自製只係自己加酱料。虽然有职员整，但手势认真麻麻，窝夫无论样定味道都一般般。
整体甜品质素一般般，而且大部分甜品都偏甜，不过胜在够平而且可以食足两个半钟，而且环境舒服，同朋友嚟食住甜品倾下计都唔错。另外甜品亦会不定时更换，唔怕会闷，唔错。职员亦会主动通知我地出面有啲咩新甜品出咗，几贴心，服务几好。
分数：6.5/10
One + One Bar
电话：2694 3869
地址：沙田白鹤汀街8号帝都酒店大堂
$78下午茶时段：星期一至五 2.30pm – 5pm
备注：要加一
上一篇：【自助餐放蛇起底组】$298半自助餐「 法国 生蚝任食 」矶 下一篇：【自助餐放蛇起底组】$88食足2.5小时!!! 酒店「 芒果
相关阅读
热门文章
- 恒指升势回顺 金融股撑市 内房造好 (657)
- 恒指升近百点 国寿升半成 (559)
- 恒指升逾160点 众安绩前飙14% (711)
- 恒指升逾160点 内银领涨 腾讯续跑输 (134)
- 恒指升逾200点破上午高位 赌股发力 (727)
- 恒指午后仅升百余点 地产股弱 港铁倒升 (306)