【自助餐放蛇起底组】观塘$108鸡煲放题 食耐D平多D

时间计钱　$108起跳

望望收费表，鸡煲最少要食1粒钟，由$108起收费，不过食1粒钟好似太赶， 2个钟收$138，计落都平过坊间鸡煲店喎！个半钟收$118，更抵玩！一于挑战下个半钟，食快啲啲！鸡煲可拣麻辣、香辣和奇味，另有烤鱼可拣。

2个人有半只鸡，鸡煲一上枱已经闻到好香好香啦，好想即刻开餐！鸡件大件多肉，食落有少少嚡，但可以接受。酱料惹味，不过可惜鸡件唔够入味，少少失望。

串烧味道合格　火锅料选择少

每人会送3串串烧，可拣牛/猪/鸡肉串、鸡翼、丸类及菠萝等。我哋叫了烧牛肉片、汁烧猪肉划、盐烧鸡中翼、烧墨丸盐、烧秋刀鱼及烧菠萝，肉串都烧得脆卜卜，味道正常，不过秋刀鱼烧到有啲过，食落有少少苦，要扣分啊！

肉串烧得脆卜卜，味道正常。

食完鸡煲呢，就行出去夹火锅料返嚟打边炉！不过出去拎嘢食条路有啲窄，睇路啊！自助区在一个雪柜内，一眼望晒，有肉片、内脏、丸类、菇类、肠仔同和菜等，只有最basic嗰啲啰，选择比较少，亦无自家特色配料。饮品可任饮，有汽水同啤酒。

咦，係咪差咁啲嘢呢？打边炉必食嘅肥牛呢？见唔到嘅？非常非常非常可惜，肥牛竟然唔係任食！！！超失望啰！净喺会送一碟特级手切肥牛，望下个样先，吓？都唔以肥牛嘅，脂肪肥位咁少，边忽肥啊？

呢碟伪‧肥牛size仲好迷你，食落弹牙有牛味，不过打边炉我都喺想食肥牛多啲啰，还我真‧肥牛！！顺带一提，如果想再encore伪‧肥牛每碟就要收$68，有啲贵！

肉类味道差差差　个半钟成功埋单

出面任拣肉类牛、猪、鸡各有1款，即刻帮你试下伏唔伏！牛肉呢，个味劲似平时早餐食到嘅沙嗲牛肉，係咪朝早卖剩嫁呢？但个质感实在太太太粉，唔好食！

猪肉望落好正常嫁，大大件咁，不过食落口先知中伏!！！劲霉，呕唔切！！最正常係个鸡…粒，唔可以用一片片嚟形容，要用粒嚟形容，食得出佢有调味嘅，同埋几滑，不过鸡粒真喺无咩口感可言。

你最期待的埋单环节嚟啦！个半钟呢其实食得饱嘅，亦都够时间打边炉，我哋六点半入座，八点钟行出去收银埋单，实收$118×2=$236，成功达阵！Yeah！

今次嘅灵魂係鸡煲，够惹味，唔够入味同少少嚡就扣咗啲分；火锅料选择唔多，肉类味道更奇奇怪怪，感觉有啲hea。楼面不太够人手，就算叫咗店员执枱加汤都要等下，但态度喺ok。环境比一般茶记光猛企理，拎火锅料条路有啲障碍物，但坐得都舒服。

总分：5.5/10

金拇指米线

地址:观塘裕民坊58-62号地舖 (显示地图)

电话:29557628

任食供应时间: 6pm-1am

价钱随用餐时间而定 (以鸡煲上开始计)

1小时:$108

1.5小时:$118

2小时:$138

2.5小时:$158

3小时:$178

3.5小时:$218

备注:不设加一，收现金及八达通

延伸阅读:

【自助餐放蛇起底组】上水快食一粒钟 $68 Lunch Buffet

【18区扫食】甜品控召集！西环最强甜品地图