【自助餐放蛇起底组】任食2.5小时 $138火锅+ 蒸汽火锅

潮流兴食 蒸汽火锅 ，但要慢慢等先有得食，最唔啱无耐性的人！我就宁愿打边炉，烚几下就食得，医肚最紧要快！不过呢间火锅放题店，一次可以满足两个愿望，$138可以任食打边炉+ 蒸汽火锅 ，仲要两个半钟咁耐，喺边?即刻去片！

一半打边炉 一半蒸锅

点样可以一鸡两味呢?其实只需要一个锅，锅的一半用作打边炉，汤底可以选淸汤、麻辣、沙嗲等6款汤底。另一半的炉盖上一块有洞的铁板做蒸架，而汤底则是清水，可以选择加入当归、桂花、玫瑰、红枣等，把材料放上蒸架，放上盖，用带有味道的蒸汽将食物蒸熟，比啲耐性等下，就食得。

火锅配料有咩食

除了少部份火锅料，例如肥牛、牛展、草羊片、鲩鱼片及自家包製的菜肉水饺等需要落单外，其他一律都可出自助区域任夹。

肥牛、饺子、鸡翼必食

偷拍途中，店员失惊无神同我哋讲，啲肥牛喺用美国高级霜降肥牛，碟牛望落其实都几唔错，鲜红色，亦有少少雪花纹。蒸的方法更重牛味,比打边炉烚下烚下更好食~

蒸水饺又唔使担心佢烂，店员话水饺是他们自家包製，照包北京水饺的方法来包，所以个皮特别薄，係真唔係呀?望落其实都隐约见到入面的饀，食落去都唔错，有椰菜、韮菜、猪肉，劲多料~不过就鹹咗少少。

蒸鸡翼更可以DIY味道，去酱料区自己加啲蒜蓉、辣椒上去，不错啊~~~

 

其他熟食+饮品

虽然无海鲜任食要扣分，但一锅两用可以 蒸气火锅 同打边炉一齐食，有创意，况且其他配料质素都唔差，refill都快手，所以都推介大家可以去试下!

总分: 7/10

双囍锅

地址: 九龙荔枝角青山道688号嘉名工厂大厦地下(显示地图)

电话: 2393 0888

火锅放题供应时间:

星期日至四: 6pm-12mn，星期五、六: 6pm-1am

收费:

星期一至四:$138/成人、$88/小童，9pm后 $128/成人

星期五至日:$148/成人、$108/小童，9pm后$138/成人

用餐时间:入座时间起计2小时30分钟

备注:不设加一，收信用卡

延伸阅读:

【18区扫食】地胆推介 黄大仙 7大抵食小店

化身书中主角！全港首间小王子主题餐厅！【沙田食乜好】