【荃湾】哗！7月人头 鸡蛋仔 可爱定可怕先？

鸡蛋仔 可以有几新奇呀？抹茶红豆紫薯OREO味我乜都试过，最多係 鸡蛋仔 中间加埋雪糕夹注，做个冰火二重奏。下？有新嘅超可爱得意BB级人头 鸡蛋仔 ？唔係呱？食人头？七月流流就咁应节？好，我哋立即请特派记者去试下味，影下相打卡先。

Blogger穷游poortravellers试味

穷游poortravellers: 呢间铺係荃湾开咗无耐，见到门面好靓又有精品卖就吸引咗入去，去到仲见到个咁Cute既鸡蛋仔，二话不说买番底食！

穷游指数：8/10好味指数：7.5/10(记者Owen) 好，我就试下唔向恐怖方面谂，买两底试下先。

亲身落场试食人头鸡蛋仔(爸妈仔女)

记者去到荃湾愉景新城商场的分店买鸡蛋仔，发现该店原来係以家庭公仔做主题的优闲cafe，非一般卖鸡蛋仔的小店。人头鸡蛋仔係佢地独家产品，每日都会有不同味道，除有基本原味之外，更会有咖啡/花生酱/朱古力/绿茶味道。记者当日买的是原味及朱古力味，其中朱古力味非常有惊喜，因为鸡蛋仔内有朱古力粒，令朱古力味大大夫升，非一般市面在鸡蛋仔底汁混入朱古力的做法。

记者O与人头 鸡蛋仔 激情鬼脸四格

好啦，买完 鸡蛋仔 番公司，望实个 鸡蛋仔，都觉得有少少毛管栋，一家大细爸妈兄妹齐哂係到，重要一粒粒扯出来食， 咬人头播，都几人惊，所以记者就做番几句对白配合下先。

Fullhouse Kitchen地址：荃湾愉景新城商场1楼1027号铺 电话: 2337 0900延伸阅读：邪恶饮食地图系列！无惧胆固醇 5大重料 牛角包【FOOD BATTLE】热爆半熟 芝士挞 日本过江龙 vs 本地姜新假期周刊 电子书：iosAndroid

新假期食玩报料：wwjetso@gmail.com欢迎Instagram / facebook 使用#weekendhk 报料，资料一经选中会为你公告天下！想最快接收第一手的旅游饮食资讯？Easy！ 1. 先分别讚好「新假期周刊」及「新假期Jetso 」两个Facebook专页2. 在「讚好」按扭下拣选「抢先看」，搞掂！